वीरका अस्पताल उपकुलपतिलाई अख्तियारको पत्र

लिम्वूवान डट व्लगस्पोट डटकम,काठमाडौं
नेपालकै जेठो वीर अस्पताल चिकित्साविज्ञान राष्ट्रिय प्रतिष्ठानको मातहतमा गाभिएपछि राजनीतिक अखडा र भ्रष्टाचारको केन्द्र बन्दै गएको छ। पटकपटक अख्तियार दुरुपयोग अनुसन्धान आयोगले प्रतिष्ठानका पदाधिकारीहरुको ध्यानाकर्षण गराउँदै निर्णय भंग गर्न निर्देशन दिँदासमेत पदाधिकारीहरुले राजनीतिक दलको आडमा अटेर गर्दै आएका छन्।प्रतिष्ठानका पदाधिकारीले पदको दुरुपयोग गरेर उमेरको हदले २०६७ भदौ ४ गते अनिवार्य अवकाशप्राप्त व्यक्तिलाई पुनः विभागीय प्रमुख रहने गरी करारमा नियुक्त गरेका छन्। ईएनटी विभागका प्रमुख डा. माधवप्रसाद दाहाललाई मन्त्रालयले म्याद थप्न नमिल्ने निर्णय दिँदादिँदै प्रतिष्ठानले कानुनविपरीत उपकुलपतिस्तरीय निर्णयबाट अनियमित तबरले उनलाई नियुक्त गरेको देखिन आएकाले उक्त करार भंग गर्न उपकुलपति डा. दामोदर पोखरेललाई माघ १८ गते अख्तियारले पत्र पठाएको भए पनि उनी भने पत्र नै गुपचुप राखेर प्रत्युत्तरसमेत नदिई बसेको बुझिएको छ।