पुष्पकमलले दुई दिनभित्रै सरकारले पूर्णता पाउने दावी

लिम्वूवान डट व्लगस्पोट डटकम,काठमाडौं

नेकपा माओवादीका अध्यक्ष पुष्पकमल दाहालले दुई दिनभित्रै सरकारले पूर्णता पाउने दावी गर्नुभएको छ । डिलाराम खनालले नेतृत्व गरेको नेकपा मसालसँग पार्टी एकता गर्न आयोजित कार्यक्रममा बोल्दै प्रचण्डले यस्तो बताउनु भएको छ। सो कार्यक्रममा बोल्दै अध्यक्ष्य प्रचण्डले भन्नु भयो, "यो सरकारलाई पूर्ण हुन नदिन षडयन्त्र भईरहेको छ । दुई दिनभित्र सरकारलाई पूर्णता दिएर त्यस्तो षडयन्त्रलाई असफल पार्दै झापड लगाउँछौ ।" नेकपा एमालेका नेताहरुसँग भएको भनिएको निर्णायक बार्ता निष्कर्ष विहीन बनेको केही घण्टापछि नै प्रचण्डले त्यस्तो दावी गर्नु भएको हो । यद्यपि उहाँले सरकारले पूर्णता पाउने आधारको बारेमा भने केही खुलाउनु भएन ।