एसीसी ट्वान्टी–ट्वान्टी नेपाल समूह विजेता

लिम्वूवान डट व्लगस्पोट डटकम,काठमाडौं

फाल्गुन ९ - एसीसी ट्वान्टी–ट्वान्टी वुमेन्स क्रिकेट च्याम्पियनसिपमा नेपालले सोमबार लगातार चौथो जित दर्ता गरेको छ । नेपालले समूह चरणको अन्तिम खेलमा मलेसियामाथि ९ विकेटको जित दर्ता गरयो । जितसँगै नेपालको समूह ‘बी’ मा आठ अंक भएको छ । नेपालले यसअघिनै अन्तिम चारमा स्थान पक्का गरिसकेको थियो । कुवेतमा संचालित प्रतियोगितामा पहिले ब्याटिङ गरेको मलेसियाले ७ विकेट क्षतीमा ६८ रन बनायो । नेपालकी रुविना क्षेत्रीले सात रन खर्चेर सर्वाधिक तीन विकेट लिइन । त्यस्तै, करुणा भण्डारीले ११ रन दिदै दुई विकेट हात पारिन् । जवाफमा नेपालले १४ ओभरमा एक विकेट गुमाउँदै ६९ रन बनायो । सीता मगरले नटआउट २१ रन बनाइन । रुविना ‘प्लेयर अफ द म्याच’ बनिन् ।