गृह मन्त्रालय आफैं राख्ने एमाले प्रस्ताव माओवादीद्वारा अस्विकार

लिम्वूवान डट व्लगस्पोट डटकम,काठमाडौं

प्रधानमन्त्रीले गृहमन्त्रालय विवाद कायम रहुन्जेल एमाले आफैंले राखेर मन्त्री परिषद विस्तार गर्न राखेको प्रस्ताव माओवादीले अस्विकार गरिदिएको छ । एमाले र माओवादीबीच आज मन्त्रीपरिषद विस्तारका विषयमा भएको छलफलमा प्रधानमन्त्री झलनाथ खनालको त्यस्तो प्रस्तावलाई माओवादीले अस्विकार गरिदिएको हो । दुई दलका शिर्ष नेताहरुवीच भएको छलफलमा माओवादीले प्रधानमन्त्रीलाई आफैले गरेको सात बुँदे सहमति जस्तो त्यस्तै कार्यान्वय नगरेसम्म सरकारमा जान नसकिने स्पष्ट पारेको स्रोतले जानकारी दिएको छ । ओवादीले प्रधानमन्त्रीलाई सात बुँदे सहमति अनुसार अघि बढ्न आग्रह समेत गरेको थियो । माओवादीले स्थायी समिति बैठक बस्नुपूर्व एमालेसँग छलफल गरेको हो ।