माओवादीलाई गृह मन्त्रालय दिन हुँदैन भन्नु षडयन्त्र

लिम्वूवान डट व्लगस्पोट डटकम,काठमाडौं

बिभिन्न दलका नेता हरुले गृह मन्त्रालय एकीकृत नेकपा माओवादीलाई दिएर भए पनि मन्त्रिपरिषद छिटो विस्तार गर्नुपर्ने आज आयोजित एक अन्तरकृयामा बताएका छन् ।मन्त्रालय भागबन्डाको विषयलाई लिएर मुलुकलाई अनिर्णयको बन्दी बनाउन नहुने उनीहरुको भनाई छ । जनसन्चार अभियानमा शुक्रबार आयोजित अन्तक्रिर्यामा एकीकृत नेकपा माओवादीका पोलिटव्युरो सदस्य शक्तिबहादुर बस्नेतले गृह मन्त्रालयको बाहनामा शान्ति र संविधान लेखनमा अवरोध गर्ने षडयन्त्र भइरहेको बताउनुभयो । शान्ति सुरक्षाको नाममा माओवादीलाई गृह मन्त्रालय दिन हुँदैन भन्नु शान्ति र संविधानमाथिकै षडयन्त्र भएको उहाँको ठहर थियो ।कार्यक्रममा एमाले नेता राजेन्द्र श्रेष्ठले वर्तमान सरकार सात बुँदे सहमतिको बलमा बनेको उल्लेख गर्दै माओवादीलाई गृह मन्त्रालय दिँदैमा केही फरक नपर्ने उल्लेख गर्नुभयो ।यसैगरी मधेसी जनअधिकार फोरमका चन्दि्रकाप्रसाद यादवले माओवादी नेतृत्वको सरकारको पालामा एमालेले गृह मन्त्रालय लिएको चर्चा गर्दै अहिले एमाले नेतृत्वको सरकारले माओवादीलाई गृह मन्त्रालय दिँदा आपत्ती जनाउन नपर्ने बताउनुभयो ।