News

Feb 17, 2011

बहराइनका नेपाली तत्काल लाई सुरक्षित

लिम्वूवान डट व्लगस्पोट डटकम,काठमाडौं
खाडी मुलुक बहराइनमा बिगत केही दिनदेखि राजनीतिक प्रर्दशन भइरहेपनि नेपाली कामदारलाई कुनै खतरा नभएको गैरआवासीय नेपाली संघले जनाएको छ । गैरआवासीय नेपाली संघ बहराइनका अध्यक्ष श्याम तामाङले हामिसंग भन्नुभयो-’प्रर्दशन निश्चीत स्थानामा मात्र भएकाले नेपाली कामदार तत्कालै खतरामा परेका छैनन् ।’ राजनीतिक अधिकारको माग गर्दै सिया धर्मालम्बीहरुले मनामाको निश्चीत क्षेत्रमा मात्र प्रर्दशन गरिरहेको र धेरै नेपालीको सित्रा क्षेत्रमा रहेकाले खतराको सम्भावना कम रहेको बताइएको छ ।बहराइनमा मूलतः निर्माण, सरसफाई र सुरक्षा क्षेत्रमा करिव ३० हजारभन्दा बढी नेपाली कामदार कार्यरत रहेको तामाङले जानकारी दिनुभयो । बहराइनमा रहेको गैरआवासीय नेपाली संघ र नेपाली क्लबले नेपाली कामदारको अबस्थाबारे नियमित अनुगमन गरिरहेको भन्दै तामाङले खतरा उत्पन्न भए नेपाली संघसंस्थाले त्यहाँको सरकारसँग समन्वय गरि उद्दार गरिने बताउनुभयो ।बहराइनमा नेपाली दूतावास नभएकाले साउदीस्थित नेपाली दूतावासले बहराइन मामिला हेर्ने गर्छ । नेपालीमात्रै हैन कुनैपनि बिदेशीलाई अहिलेको आन्दोलनले सुरक्षा खतरा नरहेको र खाद्द्यन्न तथा पानीको समस्या हुने सम्भावना नरहेको तामाङको दावी थियो । ‘बहराइनमा कार्यरत नेपालीका आफन्तहरु ढुक्क हुनुभए हुन्छ’- तामाङले भन्नुभयो-’तत्कालै नेपाली कामदारलाई कुनैपनि खतरा छैन ।’बिगत केहीदिनदेखि बहराइनका सुन्नी मुसलमान सम्प्रदायले गरेको प्रर्दशनका क्रममा दुई जनाको मृत्यु भएको छ । आन्दोलन हिंसात्मक हुनसक्ने भन्दै नेपालस्थित बैदेशिक रोजगार ब्यबसायी संघले नेपाली कामदारको सुरक्षा र उद्दारका लागि चासो देखाउन ध्यानार्कषण गराएको थियो ।

No comments: