फोरमको आन्तरिक विवाद चुलियो

लिम्वूवान डट व्लगस्पोट डटकम,काठमाडौं

मधेसी जनअधिकार फोरम नेपाल भित्रको आन्तरिक विवाद चुलिएपछि अध्यक्ष उपेन्द्र यादव पक्षले सहअध्यक्ष जयप्रकाश गुप्ताको सहमति बिना नै केन्द्रिय सदस्यहरुको नाम सिफारिस गरेका छन् । केन्द्रिय समितिमा खाली रहेको १४ जना सदस्य पद मध्ये ११ जनाको नाम अध्यक्ष यादव पक्षले एकलौटी रुपमा केन्द्रिय सदस्यका लागि सिफारिस गरेको स्रोतले बताएको छ । काठमाडौंमा ५ दिनसम्म चलेको सङ्गठन बिभागको बैठकको अन्तिम दिन हिजो बेलुका सङ्गठन बिभाग प्रमुख तथा सहअध्यक्ष जेपी गुप्ताको अनुपरिस्थतिमा उपप्रमुख रामसहाय यादवले केन्द्रिय सदस्यहरुको नाम सिफारिस गर्नु भएको हो ।केन्द्रीय सदस्यको लागि सिफारिसमा परेकाहरु अध्यक्ष यादव पक्षका बढि रहेको बताइएको छ । पार्टी भित्र आफ्नो पकड बलियो बनाउन यादव पक्षले एकलौटी रुपमा जेपी गुप्ताको अनुपस्थितिमा यस्तो सिफारिस गरेको बताइएको छ । यसैबीच नयाँ सरकारमा सहभागिताको विषयमा छलफल गर्न मधेसी जन अधिकार फोरम नेपालको केन्द्रिय समिती बैठक आज बस्दै छ । संसदीय दलको कार्यालय िसंहदरबारमा मध्यान्ह १२ बजे बस्ने बैठकले सरकारमा जाने की नजाने भन्नेबारे निर्णय गर्ने केन्द्रय सदस्य मोहम्मद ईस्तीयाक राईले जानकारी दिनुभयो । आफ्ना तीन बुंदे माग सम्बोधन भए सरकारमा सहभागी हुने फोरम नेपालले जनाएको छ । आफ्ना माग प्रति माओवादी र एमाले सकारात्मक भएको राईले बताउनु भयो ।