पृथ्वीनगर झापामा लिम्बुवानको क्षेत्रीय आमसभा

लिम्वूवान डट व्लगस्पोट डटकम,काठमाडौं/डीबी आङ्बुङ,

पृथ्वीनगर, झपा, लिम्बुवान १२ फागुन २०६७,अरुणपूर्व नौ जिल्ला लिम्बुवान राज्यको संवैधानिक सुनिश्चितताका लागि संघीय लिम्बुवान राज्य परिषदको सङ्गठन निर्माण, प्रशिक्षण र जनप्रदर्शन अभियानअन्तर्गत् फागुन १२ गते पृथ्वीनगर झपामा एक क्षेत्रीय लिम्बुवानी आभसाभा किरण कन्दङ्वाको अध्यक्षता र लिम्बुवानका अध्यक्ष कुमार लिङ्देनको प्रमुख आतिथ्यमा सम्पन्न भयो । संघीय लोकतान्त्रिक राष्ट्रिय मञ्च संघीय लिम्बुवान लिम्बुवान राज्य परिषद पृथ्वीनगर झापाको आयोयजनामा सम्पन्न उक्त आमसभामा बसन्त फोम्बोले स्वागत मन्तव्य गर्दै अतिथि तथा सहभागीहरुलाई स्वागत गरेका थिए ।आमसभाका प्रमुख अतिथि संघीय मञ्च तथा सम्बद्ध लिम्बुवानका केन्द्रीय अध्यक्ष कुमार लिङ्देन '"मिराक"ले सो सभालाई सम्बोधन गर्दै सिंहदरवारको एकात्मक कुर्सीलाई ध्वस्त पारेपछिमात्र लिम्बुवान प्राप्त हुने भएकोले सबै लिम्बुवानवासीहरुलाई यो संघीय स्वायत्ततावादी सङ्घर्षमा लामवद्ध भएर लाग्न आग्रह गर्नुभयो । प्रमुख अतिथि लिङ्देनले अब सो सिंहदरवारको दास भएर लिम्बुवान नबस्ने भन्दै अरुणपूर्व ९ जिल्ला लिम्बुवानलाई टुक्र्याउने षडयन्त्रप्रति परिषदको घोर आपत्ति रहेको बताउनु भयो । साथै, वहाँले जस्तोसुकै षडयन्त्र र दमनका बावजुत पनि ऐतिहासिक ९ जिल्ला लिम्बुवान स्वायत्त राज्य प्राप्ति र विकासका लागि लिम्बुवान आन्दोलन जारी रहनेसमेत विश्वस्त तुल्याउनु भयो । अर्का अतिथि लिम्बुवानका उपाध्यक्ष ज्ञानुहाङ इम्बुङले एकात्मकवादी पार्टीहरुले जनताको आँखामा कालो पट्टी बाँधेकाले अब त्यो कालो पट्टी फ्याँक्नै पर्ने र सोका लागि संघीय मञ्च तथा सम्बद्ध संघीय लिम्बुवान राज्य परिषदमा गोलवद्ध हुनुपर्ने धारणा राख्नु भयो । संघीय लिम्बुवान महिला परिषदका अध्यक्ष शान्ता योङ्हाङले सो सभालाई सम्बोधन गर्दै लिम्बुवान राज्य प्राप्तिका लागि सम्पूर्ण लिम्बुवानवासी महिलाहरुलाई कुनै न कुनै तवरले आन्दोलनमा सरिक हुन आह्वान गर्नुभयो । सो सभामा लिम्बुवानका राष्ट्रिय पार्षद् दिलकेशर थापा, झापा जिल्ला सदस्य मानबहादुर माबो र समाजसेवी दिलबहादुर थेबेलगायतले बोल्नु भएको थियो । साथै, स्थानीय लिम्बुवान कलाकारहरुबाट साँस्कृतिक कार्यक्रम गीत नृत्यको समेत प्रस्तुती रहेको थियो । फोटोः दिनेश तुम्बापो