News

Feb 25, 2011

विवादित मुद्दा टुङ्गयाउने जिम्मा फेरि शीर्ष नेतालाई

लिम्वूवान डट व्लगस्पोट डटकम,काठमाडौं
फाल्गुन १३ - भावी संविधानमा देखिएको विवाद अन्त्यका लागि संवैधानिक समितिले प्रमुख तीन दलका शीर्ष नेता सम्मिलित उपसमिति गठन गरेको छ । समितिमा साना दल र मधेशी दलका तर्फबाट पनि एक एक जना राखिएको छ । समितिमा माओवादी अध्यक्ष पुष्पकमल दाहाल,कांग्रेस नेता रामचन्द्र पौडेल,एमाले नेता माधवकुमार नेपाल र नेकपा संयुक्तकी कल्पना राणा छन् । मधेशी दलबाट एकजनाको नाम आउन बाँकी रहेको छ । समितिको संयोजक उपसमिति आफैले तय गर्नेछ । विवादित ८३ वटा बुँदामा छलफल नजुटेपछि दलका शीर्ष तहमा सहमति जुटाउन उपसमिति गठन गरिएकेा हो । प्रस्तावित विषयमा फागुन मसान्त भित्रमा सहमति जुटाई उपसमितिले समितिको पूर्ण बैठकमा प्रतिवेदन पेस गर्नुपर्ने छ । यसअघि गठन भएको उच्च स्तरीय कार्यदलले १ सय २७ वटा बुँदामा सहमति गरेको थियो । राज्यको पुनःसंरचना,निर्वाचन र न्याय प्रणाली लगयातका महत्वपूर्ण विषयहरुमा सहमति जुटउन बाँकी रहेको छ । संविधान जारी हुने अन्तिम मिति आउन अब ९२ दिन मात्र बाँकी छ ।

No comments: