सरकारले जस मात्र लिन खोजेको ब्यवसायीको आरोप

लिम्वूवान डट व्लगस्पोट डटकम,काठमाडौं

बैदेशिक रोजगार ब्यवसायी संघका कार्यबाहक अध्यक्ष हंसराज वाग्लेले नेपालीहरुको उद्दार रोजगार ब्यवसायीहरुले गरिरहेको भए पनि जस भने सरकारले लिने प्रयास गरिरहेको आरोप लगाउनु भएको छ।
उहाँले नेपालीको उद्दार गर्न ईजिप्टको राजदुतावासलाई नेपाल सरकारले पठाएको भनिएको ३० हजार डलर आज आईतवारसम्म पनि नपुगेको दावी गर्दै सरकारले उद्दारमा बेवास्ता गरेको दावी गर्नुभयो । उहाँले भारतले आफ्ना नागरिकको उद्दारकोलागी संयूक्त राष्ट्रसंघसँग मिलेर लिवियाबाट उद्दार गर्ने प्रयास गरिरहेको भए पनि नेपाल सरकारले कुनै पहल नगरेको तर ब्यवसायीहरु जोखिम मोलेर ईजिप्टको बोर्डरबाट उद्दार कार्यमा खटिएको जानकारी दिए । फरेन म्यान पावर एसोसिएसनका अध्यक्ष प्रेम कटुवालले नेपालीको उद्दार गर्ने सवालमा ब्यवसायीहरु विमुख नहुने प्रतिबद्धता ब्यक्त गर्दै राज्यले त्यसकालागी गंभिर पहल लिनु पर्ने आवश्यकता औल्याउनुभयो । उहाँले भन्नुभयो- हामि नेपालीको उद्दारमा राज्यसँग सहकार्य गर्न तयार छौ । यद्यपि उहाँले आफ्ना नागरिकको सुरक्षाको जिम्मा राज्यले नै लिनु पर्ने बताउनुभयो ।