एमालेले माओवादीसँग निर्णायक वार्ता गर्ने

लिम्वूवान डट व्लगस्पोट डटकम,काठमाडौं

नेकपा एमालेले पूर्व निर्णयमा अडिग रहँदै सरकारलाई पूर्णता दिने विषयमा एकीकृत माओवादीसँग निर्णायक वार्ता गर्ने निर्णय गरेको छ। पार्टी अध्यक्ष तथा प्रधानमन्त्री झलनाथ खनालको अध्यक्षतामा सिंहदरबारस्थित एमाले संसदीय दलको कार्यालयमा करिब साढे दुईघण्टा बसेको बैठकले पार्टीले यसअघि गरेका निर्णयहरुमा उभिएर एमाओवादीसँग आजै साँझ वा भोलि बिहानभित्र वार्ता गरिने एमालेका महासचिव ईश्वर पोखरेलले पत्रकारहरुलाई जानकारी दिनुभयो । यसअघि एमालेले सुरक्षा सम्बन्धि मन्त्रालय आफूसँगै राखेर सरकार बिस्तार गर्ने निर्णय गरेको थियो। एमालेले सरकार विस्तार, सरकारको न्यूनतम साझा कार्यक्रम र अन्य विवाविदत विषयलाई वार्ताको एजेण्डा बनाउने बताएको छ।