एमाले केन्द्रीय समिति बैठक सम्पन्न

लिम्वूवान डट व्लगस्पोट डटकम,काठमाडौं

फाल्गुन १० - एमालेले प्रधानमन्त्री निर्वाचनको बेला आफ्ना अध्यक्ष झलनाथ खनाल र माओवादी अध्यक्ष पुष्पकमल दाहालबीच भएको सात बुँदे सहमतिलाई आफू अनुकुल व्याख्या गर्दै जस्ताको त्यस्तै पारित गरेको छ । पार्टी केन्द्रीय समितिको बुधबार बसेको बैठकले उक्त सहमतिमा कुनै परिमार्जन नगरी पारित गरेको हो । बैठकले सात बुँदे सहमतिको मूल मर्म शान्ति र संविधानलाई पूर्णता दिनु तथा राष्ट्रिय स्वाधिनताको रक्षा गर्नु रहेको ठहर गरेको छ । यसअघि नेपाल-ओली खेमा सात बुँदे सहमतिको विपक्षमा उभिएका थिए । दुई पार्टीका अध्यक्षहरुबीच २०६७ माघ २० गते सातबुँदे गोप्य सहमति भएको थियो । त्यस्तै बैठकले मन्त्रालयको बाँडफाँटको टङ्गो लगाउने तथा सरकारमा पठाउने व्यत्तिहरुको चयन गर्ने जिम्मा पुनःस्थायी समितिलाई नै दिएको छ ।