संविधानसभाको म्याद अब सय दिन मात्र बाँकी

लिम्वूवान डट व्लगस्पोट डटकम,काठमाडौं

२ वर्षे कार्यकाल सकिएपछि गत जेठ १४ गते संविधानसभाको म्याद एक वर्षका लागि थपिएको संविधानसभाको एक वर्षको म्याद पनि अब सय दिन मात्र बाँकी छ । । तर जेठ १४ का लागि सय दिने गन्ति सुरु भइसक्दा पनि नयाँ संविधानको मस्यौदा तयार हुन सकेको छैन । एकीकृत मस्यौदा लेखनको जिम्मेवारी पाएको संवैधानिक समितिले विभिन्न विषयगत समितिहरुको प्रतिवेदनका विवादित विषयहरुमा छलफलमा जारी राखेको भएपनि उल्लेख्य प्रगति हुन सकेको छैन । संविधानको एकीकृत मस्यौदा लेखनको जिम्मेवारी पाएको सवैधानिक समितिका सभापति निलाम्वर आचार्यले संविधान निर्माणप्रति दलहरु गम्भिर हुनु पर्ने बताउनु भयो । हामिसँग कुरा गर्दै उहाँले भन्नुभयो-’अब सय दिनमा संविधान बन्दैन भनेर भन्नु भन्दा २० दिनमा जे सकिन्छ त्यो गर्नेतर्फ हामी केन्द्रीत हुनुपर्छ ।’उहाँले दलहरुले मूख्य विवादित विषयहरुमा सहमति गरे अझै धेरै सम्भावना रहने बताउनु भयो । दलहरुबीच कार्यपालिका, व्यवस्थापिका, न्यायपालिका लगायतका मुलभत विषयहरुमा तत्काल सहमति हुनु पर्ने उहाँको भनाई छ । संविधानसभाले राज्यको पुनःसंरचना सम्वन्धी समितिको प्रतिवेदन भने अझै समितिमा पठाइएको छैन ।राज्य पुनःसंरचना आयोग गठनमा भएको ढिलाईका कारण समितिको प्रतिवेदन संविधानसभाले पारित गरि सबैधानिक समितिमा नपठाइएको संविधानसभा सचिवालयले जनाएको छ । विभिन्न विषयगत समितिको प्रतिवेदनका ८३ बटा विषयमा दलहरुबीच मतभेद छ ।