सात बूँदे सहमतिलाई एमालेले अनुमोदन

लिम्वूवान डट व्लगस्पोट डटकम,काठमाडौं
प्रधानमन्त्री तथा नेकपा एमालेका अध्यक्ष झलनाथ खनालले सात बूँदे सहमतिलाई एमाले केन्द्रीय कमिटीको बैठकले अनुमोदन गरेको जानकारी माओवादी अध्यक्ष प्रचण्डलाई दिएका छन् । आज बिहान एमाले संसदीय दलको कार्यालय सिंहदरबारमा बसेको दुई पार्टीका शीर्ष नेताहरुको बैठकपछि सञ्चारकर्मीहरुसित कुरा गर्दै प्रधानमन्त्रीले यस्तो जानकारी दिएका हुन् ।बैठकबाट बाहिरिएका माओवादी अध्यक्ष पुष्पकमल दाहालले आफ्नो पार्टीको स्थायी समितिको बैठक बसेर यसबारे औपचारिक प्रतिक्रिया दिने बताए । स्थायी समितिको बैठक आजै बस्ने भनिए पनि भोलिसम्मका लागि स्थगित भएको छ । यसअघि हिजो बसेको पदाधिकारी बैठकले एमालेको निर्णय अस्पष्ट र बहुरंगी भएको भन्दै प्रष्ट औपचारिक धारणा माग्ने निर्णय गरेको थियो । उनले आजै काँग्रेससहित तीन दलको बैठक बस्ने जानकारी पनि दिए।