बन्दका कारण आज पनि मेची राजमार्गमा यातायात चलेन

लिम्वूवान डट व्लगस्पोट डटकम,काठमाडौं

चालक कुटिएको विरोधमा यातायात मजदुरले आइतबारबाट आव्हान गरेको बन्दका कारण आज पनि मेची राजमार्गमा यातायातका साधन चल्न सकेनन् । इलामबाट फिदिम वजार जाँदै गरेको को १ झ ८१६ नम्वरको जीपका चालक सञ्जीब शाहीमाथि भएको कुटपिटको विरोधमा मजदुरहरुले आइतबारबाट अनिश्चितकालिन यातायात बन्दको आहृवान गरेका हुन्। फागुन ६ गते दिँउसो चालक शाहीलाई इलामको नेपालटारमा भेला भएको एक समूहले कुटपिट गरेको थियो। चालकलाई कुटपिट गरिएपछि संघठित मजदुरले यातायात बन्द गराएका हुन् । बन्दका कारण आज पनि विहानैदेखि ताप्लेजुङ सदरमुकाम फुङ्लिङ्गबाट पाँचथर, ईलाम र झापा लगायतका लामो तथा छोटो दुरीका सवारी साधन सञ्चालनमा नआएको प्रहरीले जनाएको छ । सानातिना मागका कारण अचानक आव्हान गरिने बन्दले सर्बसाधारण भने आक्रोशित बन्न थालेका छन्।