शिक्षकलाई विपश्यना गराउन सरकारी निर्देशन

लिम्वूवान डट व्लगस्पोट डटकम,काठमाडौं

मुम्बइ, माघ १८,महाराष्ट्र सरकारले आफ्नो प्रदेशका सबै शिक्षकलाई विपश्यना ध्यान गराउन निर्देशन दिएको छ। सरकारी निर्देशनअनुसार १० दिनसम्म ध्यानमा बस्दा शिक्षकको तलब कट्टा हुने छैन। महाराष्ट्र सरकारले गत वर्ष ७ हजार सरकारी कर्मचारीलाई विपश्यना ध्यानमा पठाएको थियो। विपश्यना अभ्यासपछि कर्मचारीको कार्यक्षमता वृद्धि भएको अनुभवलाई आधार मान्दै शिक्षकलाई तलबी विदामा ध्यानमा पठाउन सर्कुलर जारी गरिएको हो।सरकारी निर्देशन लगत्तै महाराष्ट्रमा रहेका विपश्यना ध्यान केन्द्रहरुले शिक्षकका लागि सञ्चालन गरिने शिविरको तयारी गरेका छन्। 'महाराष्ट्रका सबै विपश्यना केन्द्रमा विद्यालय शिक्षकलाई प्राथमिकता साथ स्थान दिइनेछ', इगतपुरीस्थित विपश्यना मुख्य केन्द्रले भनेको छ- 'यो राम्रो कदम अन्य राज्यले पनि अनुसरण गर्न सक्छन्।'