दुई नावालक छोराछोरीसहित श्रीमतीको हत्या

लिम्वूवान डट व्लगस्पोट डटकम,काठमाडौं

काँकटभिट्टा, आश्विन २३ - झापाको ज्यामिरेगढी-९ मा एक युवाले आफ्ना दुई नावालक छोराछोरीसहित श्रीमतीको हत्या गरेका छन् । शनिबार दिउँसो साँढे तीन बजेतिर चिया बगानमा काम गर्ने मजदुर रञ्जु करुवाले दुई नावालक छोराछोरीसहित श्रीमतीको हत्या गरेका हुन् । उनले आफ्नै तीन बर्षीया छोरी सोनिया र पाँच बर्षिय छोरा रञ्जीतका साथै श्रीमती सीताको हत्या गरेका हुन् । स्थानीयले रञ्जुले रक्सी खाएर आइ श्रीमतीसंग झगडा गरेर तीनै जनाको हत्या गरेको बताए । हत्यापछि गाउँ पुरै शोक र सन्त्रासमा डुवेको छ । छोराछोरी र श्रीमतीको हत्यापछि रञ्जुले आफैले आफ्नो खुट्टामा बञ्चरो प्रहार गरी घाइते भएका थिए । उनलाई प्रहरीले नियन्त्रणमा लिएर धुलाबारी स्वास्थ्य चौकीमा उपचार गराइरहेको छ ।