भारतीय माओवादीले चुनाब बहिस्कार गर्न पर्चावाजी

लिम्वूवान डट व्लगस्पोट डटकम,काठमाडौं

मुङ्गर(भारत), कात्तिक ३ - भारतीय माओवादीले भोलि हुँदै गरेको चुनाब बहिस्कार गर्न पर्चावाजी गरेका छन्। सरकारले कडा सुरक्षा व्यवस्था अपनाएको भएपनि बिहारको मुङ्गर जिल्लामा चुनाब बहिस्कारको आव्हान गरिएका पर्चाहरु फेला परेका छन्। 'माओवादीको प्रभाव रहेका केही स्थानहरुमा यस्ता पर्चाहरु फेला परेका छन्,' जिल्लाका प्रहरी प्रमुख सुनिल नायकले भने। भोलिको चुनावमा ७ लाख ७४ हजारले ७ सय ९५ बुथबाट भोट हाल्दैछन्। यी मध्ये १ सय ६१ बुथ माओवादी प्रभावित क्षेत्रमा पर्छ। प्रभावितमध्ये तारापुर, मुङ्गर र जमलपुरमा चौथो चरणमा आगामी नोभेम्बर १ मा चुनाव हुँदैछ। नायकका अनुसार समानान्तर टेलिफोन लाइन र गुगल अर्थको प्रयोगबाट पहाडी र जंगल भएको क्षेत्रमा माओवादी गतिविधिमा निगरानी समेत राखिएको छ। हिंसाकै कारण सन् २००५ मा भएको चुनावमा यी क्षेत्रमा ३१ प्रतिशतमात्र मत खसेको चुनाव कार्यालय स्रोतले जनायो।