संविधानसभाका विवादित विषयमा पनि छलफल हुने

लिम्वूवान डट व्लगस्पोट डटकम,काठमाडौं

संविधानसभाका विषयगत समितिका विवादित विषयमा सहमति जुटाउन आजपनि संविधानसभाका अध्यक्ष सुवासचन्द्र नेम्वाङले संविधानसभामा प्रतिनिधित्व गर्ने दलहरुसंगको छलफललाई जारी राख्नुहुने भएको छ ।संविधान निर्माणका क्रममा देखिएका विवादित विषयमा सहमतिका लागि संविधानसभाको हल नयाँ बानेश्वरमा दिउँसो साढे १ बजेबाट बैठक सुरु हुने संविधान सभाका उपाध्यक्ष पूर्णाकुमारी सुवेदीले जानकारी दिनुभयो । संविधानसभामा सबैभन्दा बढि राज्यको शासकीयस्वरुप निर्धारण समितिको प्रतिवेदनमा विवाद उठेको छ ।अन्तरिम संबिाधानको धारा ७० को आधारमा दलहरकाबीचमा गठित प्रतिबेदन अध्यन सुझाव समितिले पेस गरेका विषयमा छलफल हुने छ । त्यस्तै समिति अन्तर्गतका फरक मतहरु, संबिधान सभामा सभासदहरुले बोलेका असहमतिका बिषयहरु, छुटेका बिषबस्तुहरुका बारेमा छलफल गरेर प्रश्नावली घटाउने प्रयास हुने उपाध्यक्ष सुवेदीले बताउनुभयो ।छलफलमा दलका नेताहरु,प्रमुख सचेतकहरुको सहभागिता रहने छ । यसअघि प्रमुख दलहरुबीच विवादित विषयमा सहमति नभए मतदानबाट टुङ्गो लगाउने सहमति भएको थियो ।संविधानसभाका ११ विषयगत समितिमध्ये आठ वटा समितिका मस्यौदालाई असोज मसान्तसम्म संवैधानिक समितिमा पठाइसक्नुपर्ने कार्यतालिकामा उल्लेख छ ।