प्रधानसेनापति छत्रमानसिंह कोरिया प्रस्थान

लिम्वूवान डट व्लगस्पोट डटकम,काठमाडौं

असोज ३१- प्रधानसेनापति छत्रमानसिंह गुरूङ दक्षिण कोरियाको राजधानी सोलमा सोमबारदेखि हुने एसिया- प्रशान्त क्षेत्रका सेना प्रमुखहरूको तेर्‍हौं वार्षिक सम्मेलनमा भाग लिन आइतबार साँझ त्यसतर्फ प्रस्थान गरे। एसिया-प्रशान्त क्षेत्रका २८ मुलुकका सैनिक प्रमुख सहभागी हुने उक्त सम्मेलन ती मुलुकका सुरक्षा चुनौती तथा अवलम्बन गर्नुपर्ने भावी रणनीतिमा केन्द्रित रहने सैनिक जनसम्पर्क निर्देशनालयले जनाएको छ। कात्तिक ५ गतेसम्म हुने उक्त सम्मेलनका क्रममा प्रधानसेनापति गुरूङले आफ्ना समकक्षीहरूसँग द्विपक्षीय एवम् बहुपक्षीय विषयमा विचारविमर्श गर्नेछन्।