यो वर्ष तिहारको भाइटीका दुईदिन हुने

लिम्वूवान डट व्लगस्पोट डटकम,काठमाडौं

हिन्दुको दोस्रो ठूलो चाड तिहार यो वर्ष नेपाली पञ्चाङ्ग अनुसार कात्तिक १७ गते द्वादशीबाट यमपञ्चक आरम्भ हुनेछ र सो दिन यमराजलाई दीपदान गर्ने परम्परा छ ।पञ्चाङ्गअनुसार १८ गते बिहीबार काग तिहार मनाइने छ र सोही दिन धन्वन्तरी जयन्ती परेकाले जयवागेश्वरी पीठमा धन्वन्तरी महोत्सवको आयोजना गरी मनाइने भएको छ ।यस्तै १९ गते शुक्रवार कुकुर तिहार मनाइने र सो दिन १२ वजेर ४१ मिनेट उप्रान्त औँशी तिथि लाग्ने भएकाले बेलुकी लक्ष्मीपूजा गरिनेछ भने २० गते शनिबार बिहान गाई तथा गोरु पूजा गर्ने र सोही दिन नेपाल संवत् प्रारम्भका दिन परेकाले नेवार समुदायमा नेपाल संवत्का दिन म्हःपूजा गर्ने प्रचलन रहेका छ ।यसैगरी पञ्चाङ्ग अनुसार २१ गते आइतबार बिहान ९ बजेर २२ मिनेट उप्रान्त द्वितीया तिथि प्रारम्भ हुने भएकाले सोही दिन गोवर्धन पूजा र भाइटीका गर्नुपर्ने जनाएको छ ।यता न्हुदँ समारोह समिति ११३१ तथा नेपालभाषा मंका खलःले नेवार समुदायलाई २० गते लक्ष्मी पूजा, २१ गते म्हःपूजा तथा नेपाल संवत् र २२ गते भाइटीका गर्न आहृवान गरेको छ ।