अनेरास्ववियु नयाँ कार्यसमितिको मतगणना सुरु

लिम्वूवान डट व्लगस्पोट डटकम,काठमाडौं

अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को नयाँ नेतृत्वका लागि मतगणना नेकपा (एमाले) पार्टी कार्यालय बल्खुमा सुरु भएको छ ।बिहान ९ बजेदेखि नै मतगणना सुरु हुने भनिएको भएपनि प्राविधिक कुरा मिलाउन समय लागेको हुनाले ११ बजेदेखि मतगणना सुरु भएको निर्वाचन आयोग प्रमुख पशुपति चौलागाईंले जानकारी दिनुभयो ।मतगणना २५ स्थानबाट सुरु गरिएको छ भने परिणाम आजै आउने अपेक्षा गरिएको छ ।असोज १५ देखि १८ सम्म जनकपुरमा सम्पन्न अनेरास्ववियुको २० औँ राष्ट्रिय सम्मेलनका दौरान भएको चुनावका मतपेटिकाहरु हिजो काठमाडौँ ल्याइएको थियो ।नयाँ कार्यसमितिमा एक अध्यक्ष, पाँच उपाध्यक्ष, एक महासचिव, तीन सचिव, एक कोषाध्यक्षसहित २०१ केन्द्रीय पदाधिकारी रहनेछन् ।