टोयोटाले १५ लाख भन्दा बढी कार फिर्ता लिने घोषणा

लिम्वूवान डट व्लगस्पोट डटकम,काठमाडौं

जापान, कात्तिक ५,टोयोटाले विश्वभरीबाट फेरि १५ लाख भन्दा बढी कार फिर्ता लिने घोषणा गरेको छ।कम्पनीको कारमा ब्रेक र इन्धन पम्पमा समस्या आएपछि फिर्ता लिने घोषणा गरेको हो। यो घोषणाले एभालन, हाइल्यान्डर र लेक्सस कार प्रभावित बढी प्रभावित हुनेछन्। कम्पनीले अमेरिकाबाट ७ लाख ४० हजार, ६ लाख जापानबाट र १७ हजार बेलायतबाट कार फिर्ता लिनेछ। बेलायतमा सन् २००३/ ००४मा बनेका लेक्सस आइएस, जिएस र आरएक्स मोडेलका कार रहेका छन्। अमेरिकामा एभालन, हाइल्यान्डर, लेक्सस आर एक्स ३३० र लेक्सस जीएस ३००, आइएस २५० लगायत रहेका छन्। युरोपबाट ६० हजार, चीनबाट ३० हजार र अस्टे्रलियाबाट ५० हजार र अन्य एसियाबाट फिर्ता गर्ने कम्पनीले जनाएको छ। कारधनीलाई नोभेम्बरमा जानकारी दिने र उत्पादकले ब्रेकको मास्टर सिलिन्डर फिर्ता गरेर नयाँ डिजाइनको राखिदिने कम्पनीले जनाएको छ। गतवर्ष टोयोटाले १ करोड कार फिर्ताको घोषणा गरेको थियो। यो मध्ये गएको अगस्टमा ११ लाख कोरोला र म्याटि्रक्स कार अमेरिका र क्यानडाबाट फिर्ता लिएको थियो। टोयोटा कम्पनीले कारमा आएको समस्याले अर्बोको नोक्सानी ब्योहोरेको छ।