बन्दका कारण मध्य तथा सुदुरपश्चिमको जनजीवन कष्टकर

लिम्वूवान डट व्लगस्पोट डटकम,काठमाडौं

सहकर्मी विद्यार्थी हत्याको विरोधमा एमाले निकट विद्यार्थी संगठन अनरोस्ववियुले गरेको बन्दका कारण मध्य तथा सुदुरपश्चिमको जनजीवन कष्टकर बन्दै गएको छ । बन्दका कारण बुधबार पनि बिहानै देखि मध्य तथा सुदुरपश्चिमका दाङ, बाँके, बर्दिया सुर्खेत लगायतका सम्पूर्ण जिल्लाको जनजीवन प्रभावित भएको छ । बन्दका कारण त्यस क्षेत्रमा यातायातका साधनहरु संचालनमा आउँन सकेका छैनन भने बजार, शैक्षिक संस्था तथा कलकारखानाहरु समेत ठप्प भएका छन् । वन्द सफल वनाउन भन्दै वन्दकर्ताहरु विहानै देखी सडकमा निस्किएर प्रदर्शन गरेका छन् । सडक अवरोधका कारण सवारी साधनहरु चल्न नसक्दा सर्वसाधारण यात्रुहरुले सास्ती खेप्नु परेको छ ।