मातृका यादवको नेकपा (माओवादी) फेरी तीनवटा पक्षमा विभाजित

लिम्वूवान डट व्लगस्पोट डटकम,काठमाडौं

ए नेकपा माओवादिबाट बिभाजित भएर गएको मातृका यादव नेतृत्वको नेकपा (माओवादी) फेरी तीनवटा पक्षमा विभाजित भएको छ । पार्टीका केन्द्रीय सदस्य दिलीप साहको नेतृत्वमा पहिले नै विभाजित भइसकेको थियो भने पुनः सो पार्टी विभाजित भई पार्टीका प्रवक्ता भरत दाहालको नेतृत्वमा र अध्यक्ष यादवको नेतृत्वमा गरी तीन पक्षमा विभाजित भएको हो । पार्टीका प्रवक्ता तथा केन्द्रीय सदस्य भरत दाहालले आज यहाँ पत्रकार सम्मेलन गरी आफूलाई पार्टीभित्रैबाट ज्यान मार्ने धम्की आएको भन्दै पार्टी विभाजन भएको जानकारी दिनुभयो । दाहालले आफ्नो पक्षमा केन्द्रीय सदस्य अमर राई, रीता मानुषी, सन्त घिसिङ र अमृत विक रहेको बताउँदै आफ्नै नेतृत्वमा छिटै राष्ट्रिय सम्मेलन हुने जानकारी दिनुभयो ।