एकलौटी लडाकुको संख्या तोक्ने ऊर्जामन्त्रीको घोषणा

लिम्वूवान डट व्लगस्पोट डटकम,काठमाडौं

आश्विन ४ - माओवादी सचिव एवं ऊर्जामन्त्री पोष्टबहादुर बोगटीले कांग्रेस-एमालेले नमाने पनि सरकारले एकलौटी रुपमा संख्या तोकेर रिग्रुपिङको काम अगाडि बढाउने घोषणा गरेका छन् ।'शान्तिप्रक्रिया र संविधान निर्माण सहमतिमा हुनु पर्ने भएपनि बाध्यतामा सरकारले एकतर्फी रुपमा भएपनि संख्या तोकेरप रिग्रुपिङको कार्य सुरु गर्छ,' बुधबार रिपोर्टर्स क्लवमा उनले भने, 'यसले समायोजनमा सबैलाई दवाव सृजना गर्छ ।'शान्ति प्रक्रिया अब माओवादीको कारणले कुनै पनि हालतमा नरोकिने दावी गर्दै मन्त्री बोगटीले कांग्रेस र एमालेका कारणमात्रै रोकिने आरोप लगाए । उनले भने, 'कांग्रेस र एमालेले शान्ति चाहेका छैनन् । उनीहरु सहमतिमा नआए सरकार एक्लै अगाडि बढ्छ ।'मन्त्री बोगटीले चार बुँदे सहमतिकै जगमा सरकार निर्माण भएकोले प्रतिपक्षी दलहरुले भने जस्तो सम्झौता कुनै पनि हालतमा खारेज नहुने भन्दै चार बुँदे सम्झौता शान्ति र संविधान प्रति प्रतिवद्ध भएको दावी गरे । उनले चार बुँदे राष्ट्रघाति हो/होइन भन्ने कुरा भविष्यको परिणामले देखाउने समेत स्पष्ट पारे ।