३६ घण्टे सम्भाषण गरी नयाँ गिनिज विश्व रेकर्डको दाबी

लिम्वूवान डट व्लगस्पोट डटकम,काठमाडौं

नेपाली युवाहरुले विश्व रेकर्ड राखी नेपालको नाम विश्वसामु परिचित गराउने क्रममा सिन्धुपाल्चोक जिल्लाकी २३ वर्षीया युवती प्रमीला देउजाले ३६ घण्टे सम्भाषण (प्रवचन) गरी नयाँ गिनिज विश्व रेकर्डको दाबी गरेकी छिन् । उपत्यका सामुदायिक सेवा समन्वय परिषदले आयोजना गरेको उक्त कार्यक्रम २०६८ असोज ६ र ७ गते नयाँबानेश्वरस्थित एनके सिंह मेमोरियल इपीएस विद्यालयमा सम्पन्न भएको थियो । उनले लगातार सम्भाषण गरी यसअघिका अमेरिकाका माइक फ्राज्रेरले २८ घण्टा निरन्तर सम्भाषण गरी राखेको विश्व रेकर्डलाई तोडी नयाँ रेकर्ड राखेकी छिन् । विश्व रेकर्ड कायम राखे पनि औपचारिक रुपमा रेकर्ड राख्न नपाएकी प्रमिला देउजालाई उक्त कार्यक्रमका प्रमुख अतिथि महानगरीय प्रहरी आयुक्त प्रहरी अतिरिक्त महानिरिक्षक कुबेरसिंह रानाले खादा लगाई माइक हस्तान्तरण गरेका थिए ।