प्रेस युनियनका नौँ सदस्यबाट सामुहिक राजीनामा

लिम्वूवान डट व्लगस्पोट डटकम,काठमाडौं

नेपाली कांग्रेस निकट नेपाल प्रेस युनियन बारामा उपाध्यक्षसहित नौँ जनाले सामुहिक राजीनामा दिएका छन् । युनियनको साधारण सदस्यबाट राजीनामा दिनेहरुमा युनियनका उपाध्यक्ष रामाकान्त साह, कार्य समिति सदस्य मुकेश प्रसाद यादव, राजेश कुशवाहा, निवेश तिमिल्सिना, शिवशंकर मिश्रा, साधारण सदस्य जयनारायण यादव, सुजितकुमार अर्याल, केन्द्रीय पार्षद् राकेश पाण्डेय र पवन यादव लगायत ९ जना रहेका छन् । कांग्रेसभित्रको बढ्दो विवादका कारण उनीहरुले राजीनामा दिएको बुझिएको छ । प्रेस युनियन बारामा प्रजातान्त्रिक विचारको कदर हुन छाडेको, संस्था भन्दा केही ब्यक्ति र माउ पार्टी कांग्रेस हाबी हुँदै गएको भन्दै राजीनामा दिएको सामुहिक राजीनामा पत्रमा उल्लेख छ ।