संघीय लिम्बुवान युवा मञ्चको पान्थर जिल्ला सम्मेलन सम्पन्न

लिम्वूवान डट व्लगस्पोट डटकम,काठमाडौं/डीबी आङबुङ 

फेदेन, पान्थर,असोज ८, २०६८'सम्पूर्ण युवाहरू संघीयता र लिम्बुवान स्वायत्त राज्य स्थापनाका लागि एक होऔं' भन्ने नाराका साथ २०६८ असोज ७ र ८ गते मञ्च सम्बद्ध संघीय लिम्बुवान युवा मञ्चको प्रथम ऐतिहासिक पान्थर जिल्ला सम्मेलन लिम्बुवानको फेदेनमा सम्पन्न भएको छ । संघीय युवा मञ्च पान्थरका जिल्ला संयोजक मोहन हाङसरुम्बाको अध्यक्ष्तामा सम्पन्न युवा मञ्चको उक्त जिल्ला सम्मेलन उद्घाटन-सत्रमा संघीय मञ्च सम्बद्ध संघीय लिम्बुवान राज्य परिषदका अध्यक्ष कुमार लिङ्देन 'मिराक' प्रमुख अतिथि रहनु भएको थियो । त्यसैगरी, अन्य विशेष अतिथिहरूमा लिम्बुवानका उपाध्यक्ष ज्ञानबहादुर गुरुङ, सचिवालय सदस्य दिलेन्द्र कुरुम्म्बाङ र राष्ट्रिय पार्षद भूपू डीएसपी कृष्णमान थेबेलगायत रहनुभएको थियो ।

असोज ७ गते उद्घाटन भई सोही दिन बेलुकी ७ बजेबाट शुरु भएको बन्द-सत्रले कार्यक्रम ८ गते बिहान ४ बजे मोहन हाङसरुम्बाको अध्यक्षतामा २७ सदस्यीय नयाँ समिति चयन गर्दै सम्पन्न भएको हो । अहिले मञ्च सम्बद्ध संघीय लिम्बुवान राज्य परिषदका प्रायः सम्मेलनहरूमा तीब्र प्रतिस्पर्धा हुने गरेको छ । लिम्बुवानी युवाहरूमा आफ्नो लिम्बुवान र संघीयताप्रति लगाव बढेर गएको देख्दा खुशी लागेको कुरा प्रमुख अतिथि लिम्बुवानका केन्द्रीय अध्यक्ष कुमार लिङ्देनले शुभकामना मन्तब्य दिने क्रममा बताएका छन् ।

नव गठित संघीय लिम्बुवान युवा मञ्च जिल्ला कार्य समिति, पान्थर लिम्बुवानका अध्यक्षमा मोहन हाङ्सरुम्बा, उपाध्यक्ष सुवास लावती, उपाध्यक्ष निरोज लावती, उपाध्यक्ष अनुप थेगिम, सचिव महेश अधिकारी, सह-सचिव प्रशान्त लिम्बू, अर्थ-सचिव डम्बर मादेन र संगठन सचिवमा भिमप्रसाद नेम्बाङ रहेका छन् । साथै, युवा मञ्चका सचिवालय सदस्यहरूमा गगन लावती, शंकर नेम्बाङ, विष्णु केरुङ, धर्मेन्द्र नेम्बाङ, र कृष्ण खेवाङ रहेका छन् । त्यसैगरी, मञ्चका जिल्ला सदस्यहरूमा सोलन बेघा, पदम योङहाङ, उपेन्द्र एक्तिन, राजेन्द्र केरुङ, श्याम लिङ्देन, दिपक सेलिङ, नरेन्द्र नेम्बाङ, नन्दप्रसाद योङहाङ, अमृत फोम्बो, देव श्रेष्ठ, पकाश अधिकारी, महेन्द्र तुम्म्रोक र कमल बराल रहेका छन् ।