News

Sep 29, 2011

लोकतान्त्रिकले रक्षामन्त्रीको अभिव्यक्तिबारे धारणा सार्वजनिक गर्दै

लिम्वूवान डट व्लगस्पोट डटकम,काठमाडौं
आश्विन १२ - मधेसी जनअधिकार फोरम (लोकतान्त्रिक)ले पार्टीका बरिष्ठ नेता एवं रक्षामन्त्री शरतसिंह भण्डारीको विवादास्पद अभिव्यक्तिबारे पार्टी धारणा सार्वजनिक गर्ने भएको छ । बिहीबार अपरान्ह ४ बजे पार्टी कार्यालय सानेपामा पत्रकार सम्मेलन गरी पार्टी धारणा सार्वजनिक गर्ने कार्यालय सचिव परमानन्द मेहताले जानकारी दिए । मन्त्री भण्डारीले सोमबार राजधानीमा आयोजित साक्षात्कारमा मधेसीलाई विभेद गरिरहने हो भने मधेसका २२ जिल्लाले निर्णय गरेर नेपालबाट अलग हुने चेतावनी दिएका थिए । 'मधेसका २२ जिल्लाले अलग हुने निर्णय गरे कुन ऐन र कानूनले मुलुकलाई बचाउँछ ?,' उनले भनेका थिए । रक्षामन्त्रीको भनाइको स्वयं सरकारको नेतृत्वकर्ता दल माओवादीको वैद्य समूह, प्रमुख प्रतिपक्षी कांग्रेस, एमालेलगायत सरकारलाई समर्थन गर्ने अधिकांश साना दललेसमेत विरोध गरिसकेका छन् । उनीहरुले मन्त्री भण्डारीलाई बर्खास्त गर्न प्रधानमन्त्री बाबुराम भट्टराईसँग माग गरेका छन् ।

No comments: