हङकङमा हिमालयन बिश्व सम्मेलन हालै सम्पन्न

लिम्वूवान डट व्लगस्पोट डटकम,काठमाडौं

आश्विन ६ - प्रवासमारहेर क्रिश्चियन धर्ममा आबद्ध नेपाली समुदायको हङकङमा हिमालयन बिश्व सम्मेलन हालै सम्पन्न भएको छ । सम्मेलनमा १६ देशमा कार्यरत नेपालीको प्रतिनिधित्व रहेको थियो । सम्मेलनमा प्रबासमा बसेर नेपालीलाई पुर्‍याइरहेको सेवाको बिषयमा छलफल गर्दे यसलाई अझै ब्यबस्थीत गर्ने निष्र्कष निकालिएको थियो । 'प्रबासमा बस्ने नेपालीको सवालको बिषयमा ब्यापक छलफल भयो', कार्यक्रममा लेबनानबाट सहभागी दीपेन्द्र उप्रेतीले भने-'सम्मेलनले प्रबासमा रहेर काम गर्ने नेपालीबीच नेटवार्कमा बिस्तार गर्दै नेपाली समुदायमा पुर्‍याइरहेको सर सहयोगलाई प्रभाबकारी बनाइनेमा जोड दिएको छ । सम्मेलनमा सबै देशबाट आएका प्रतिनिधिहरुले आफूहरुले गर्दै आइरहेको कामकोबारे जानकारी गराइएको थियो ।