संयुक्त जातीय मोर्चाका केन्द्रिय नेता सहित ५ जना पक्राउ

लिम्वूवान डट व्लगस्पोट डटकम,काठमाडौं

पूर्वी क्षेत्रमा भुमिगत रुपमा सशस्त्र गतिविधि गर्दै आएको संयुक्त जातीय मोर्चाका केन्द्रिय नेता सहित ५ जना सुनसरीको धरानमा पक्राउ परेका छन् । पक्राउ पर्नेमा युवा मोर्चाका केन्द्रिय सदस्य प्रकाश मगर, पासाङ, अविरल, सुनसरी इन्र्चाज प्रविन लिम्बू र नाम नखोलेका एक जना रहेका छन् । पासाङ र अविरल भने सरकारसँग वार्ता गर्न गठित समूहका सदस्य रहेको मोर्चाले जनएको छ । उनीहरुलाई धरान –१५ बाझगरावाट सादा पोशाकका विशेष प्रहरी टोलीले पक्राउ गरी अञ्चल प्रहरी कार्यालयमा लगेको मोर्चाका प्रवक्ता पवासले बताएका छन् । पूर्वमा सशस्त्र गतिविधि गर्दै आएको मोर्चा पछिल्लो समय विभिन्न चरणमा सरकारसँग वार्तामा बसेको थियो ।