गर्भवती बुहारीसँग अवैध यौन सम्बन्ध राख्ने ससुरा पक्राउ

लिम्वूवान डट व्लगस्पोट डटकम,काठमाडौं

प्रहरीले गर्भवती बुहारीसँग अवैध यौन सम्बन्ध राखेको अभियोगमा एक जनालाई पक्राउ गरेको छ । जिल्ला प्रहरी कार्यालय नुवाकोटका निरीक्षक नवराज मल्लले नौं महिनाकी गर्भवती बुहारीसँग अवैध शारीरिक सम्बन्ध राख्ने जिल्लाको गेर्खु गाविस-९ केराबारीका ४४ वर्षीय सिंहबहादुर थिङलाई पक्राउ गरिएको जानकारी दिए । बेत्रावतीबजारस्थित डेरामा शनिबार २५ वर्षीया बुहारी लक्ष्मी मगरसँग यौन सम्बन्ध राखिरहेको भेटेपछि सिंहबहादुरलाई उनकी श्रीमती राममायाले प्रहरी चौकी बेतावतीको जिम्मा लगाएकी थिइन् । प्रहरीले ससुरासँग अवैध सम्बन्ध राख्ने सिंहबहादुरकी बुहारी लक्ष्मीलाई पनि नियन्त्रणमा लिएको छ । उनीहरु दुवैलाई जिल्ला प्रहरी कार्यालय नुवाकोटको हिरासतमा राखिएको छ । राममायाले ६ महिनाअघि मात्र विवाह गरेर भित्राइएकी जेठी बुहारी लक्ष्मी र श्रीमानले आफू काममा गएका बखत अवैध यौनसम्पर्क राखिरहेको बखर पाएपछि दुवैलाई श्रीमान् र रङ्गेहात समातेर प्रहरीको जिम्मा लगाएको बताइन् । लक्ष्मीका श्रीमान कुमार मजदुरीका सिलसिलामा राजधानी बस्दै आएका छन् ।