News

Sep 22, 2011

गोरखा कारागारबाट बिहीबार विहान एक कैदी फरार

लिम्वूवान डट व्लगस्पोट डटकम,काठमाडौं
गोरखा, आश्विन ५ - गोरखा कारागारबाट बिहीबार विहान एक कैदी फरार भएका छन् । बिहान करिव पाँच बजे कर्तब्य ज्यान मुद्धामा जेल बसेका ३३ वर्षीय बुद्धिराम दराई फरार भएको जिल्ला प्रहरी कार्यालयले जनाएको छ । कार्यालयका अनुसार चितवन बल्छौडी- १ घर भएका उनी पँचा महिनादेखि कारागारमा थिए । कैदी दराई कहाँबाट र कसरी भागेको भन्ने बिषयमा पुष्टि हुन नसकेको प्रहरी नायब उपरीक्षक बहादुरजंग मल्लले बताए । 'ड्यूटीमा रहेको प्रहरीको प्रत्यक्ष लापरबाही देखिन्छ' मल्लले भने, 'तर, कैदी कहाँबाट कसरी भागेको खुल्न सकेको छैन । कारागारका प्रहरीमाथि अनुसन्धान भइरहेको छ ।'दराई कर्तब्य ज्यान मुद्धामा २० बर्ष कैदको सजायका लागि कारागारमा थिए । यहाँको फिनाम गाविसमा रहेका सासू हत्याको मुद्धामा उनलाई अदालतले २० बर्ष कैदको सजायमा सुनाएको थियो ।

No comments: