नेपाली अनुसन्धानकर्तालाई अमेरिकी पुरस्कार

लिम्वूवान डट व्लगस्पोट डटकम,काठमाडौं

नेपाली अनुसन्धानकर्ता बटु शर्मा कुइँकेल अमेरिकन सोसाइटी अफ माइक्रोबायलोजीबाट पुरस्कृत भएका छन् । सन् २०११ मा विभिन्न संक्रमणखाले रोगका विषयमा उत्कृष्ट अनुसन्धान गरेको पुरस्कार हात पारेका हुन् । कुइँकेलसगँ युरोपका चार अनुसन्धानकर्ताले पनि यो पुरस्कार जितेका छन् । कुइँकेलले डुक विश्वविधालयको प्रयोगशालामा आफ्नो अनुसन्धान पुरा गरेका थिए । शर्माको अनुसन्धान नयाँ रोगहरु विरुद्ध औषधि उत्पादन गर्न फलदायी हुने भएकाले उनलाई पुरस्कृत गरिएको अमेरिकन सोसाइटी अफ माइक्रोबायलोजीले जनाएको छ । राजधानीको गोकर्ण सुन्ताखानमा जन्मेका कुइँकेलले त्रिचन्द्र क्याम्पसबाट माइक्रोबायलोजीमा बीएस्सी तथा त्रिभुवन विश्वविधालयबाट माइक्रोबायोलोजीमै उत्कृष्ट अंक ल्याएर स्नातकोत्तर पुरा गरेका थिए। समाजसेवामा समेत सक्रिय कुइँकेल लायन्स क्लब अफ काठमाडौं, जोरपाटीमा आवद्ध समेत हुनुहुन्छ।