ताप्लेजुंगेहरुले संस्था फेरि जन्माए

लिम्वूवान डट व्लगस्पोट डटकम,काठमाडौं

हंगकंग २७ सेप्टेम्बर, नेपालीहरुको वाहुल्य भएको स्थान जोर्डनमा सेप्टेम्वर २५ आइतवारको दिन ताप्लेजुंगको सदरमुकाम देखि आएर हंगकंगमा अस्थाई बसोबास गर्नेहरुको एउटा भेलाले “ताप्लेजुंग उपनगर पालिका हंगकंग उत्थान सेवा समिति” गठन गरेको छ | चन्द्र मादेन “आन्छन्” को अध्यक्षतामा गठन भएको उक्त समितिमा उपाध्यक्ष-गंगा कार्की, सचिव-नारायण मादेन, सहसचिव-मोहन गुरुङ, कोषाध्यक्ष-धनमाँया लक्सम्बा, सहकोषाध्यक्ष-सविना लिम्वू र सदस्यहरुमा- भीम मादेन, कुमार (लक्ष्मी) श्रेष्ठ, कुमारी राई, मान व.मादेन, धिरेन श्रेष्ठ, मिना लिम्बू र कुमारी काम्बांग रहनुभएको छ |

धेरै वर्षसम्म फुन्गलिंग नगर उन्मुखको नामले चिनिने सदरमुकामलाई नेपाल सरकारले यो वर्ष मात्र वि. सं. २०६८ मा दोखु गाविस र फुन्गलिंगलाई गाभेर पहिलो नम्वरमै “ताप्लेजुंग उप-नगरपालिका” घोषणा गरेकोथियो उक्त नवसस्थांले ताप्लेजुंग उपनगरपालिका लगायत प्रत्येक दु:ख र पीडामा परेका नेपाली मन, नेपाली पन र नेपाली जनहरुलाई समेट्ने उद्देस्यले संस्था स्थापना गर्नु परेको कुरो सो समितिका अग्रज सदस्य एवं नेपालमा एक दशक भन्दा लामो शिक्षण पेशा अंगाल्नुभएका बुद्धिजीवी भीम मादेनले वताउनुभयो

साथै सो उत्थानसेवा समितिले अगामी अक्टुवर २३ आइतवारको दिन वृहत विविक्यु (वनभोज) मंकिहिलमा गरि विधान प्रस्तुत र प्रथम अधिवेशन गर्ने घोषणा समितिका सदस्य एवं ताप्लेजुंग समाज हंकंगका अध्यक्ष कुमार (लक्ष्मी) श्रेष्ठले वताउनुभयो |