ताप्लेजुङ साँघुको झडपमा एकको मृत्यु

लिम्वूवान डट व्लगस्पोट डटकम,काठमाडौं

ताप्लेजुङ जिल्लाको पश्चिमी साँघु गाविसमा स्थानीयबीच झडप हुँदा एकको मृत्यु भएको छ भने अर्का एक गम्भीर घाइते भएका छन् । झपडमा गम्भीर घाइते भएका साँघु-९ ताम्राङ बस्ने २७ वर्षीय बलबहादुर पन्धाक (लिम्बू) लाई उपचारका लागि जिल्ला अस्पताल ल्याउँदै गर्दा बाटैमा मृत्यु भएको हो । त्यस्तै, साँघु-९ कै २८ वर्षीय दुर्गा लिम्बू गम्भीर घाइते भएका छन् । उनको टाउकोमा गम्भीर चोट लागेकाले अन्यत्रै रेफर गरिएको अस्पतालले जनाएको छ । झडपको खबर पाउनासाथ साँघु चौकीबाट प्रहरी त्यहाँ पुगेर स्थिति साम्य बनाएको र मृत्यु हुने बलबहादुरको साथबाट एकथान इटालियन स्वचालित पेस्तोल र त्यसको गोली पनि बरामद गरिएको प्रहरीले बताएको छ ।