कोइरालालाई निहुर्‍याएरै छाड्ने देउवाको चेतावनी

लिम्वूवान डट व्लगस्पोट डटकम,काठमाडौं

कीर्तिपुरमा शुक्रबार नेविसंघले आयोजना गरेको कार्यक्रममा नेता देउवाले भने, 'यो टिके प्रथाको विरोध त्यत्तिबेलासम्म गर्छौं, जतिबेलासम्म निर्णय सच्याइन्न ।' भ्रातृ संगठनको नेतृत्व भंग गर्ने निर्णय सच्याउन कोइरालालाई बाध्य पार्ने उनको भनाइ थियो । सभापति कोइरालाले मन नपर्ने, फरक विचार राख्नेलाई लखेटेर टिकेप्रथाको सुरुवात गरेको देउवाको आरोप थियो । उनले आफूले पार्टीभित्रको निरंकुशताकोविरुद्ध विगुल फुकेको बताए । 'हामीले पार्टी फुटाउन विरोध गरेका होइनौं,' उनले भने । कांग्रेस र कांग्रेस प्रजातान्त्रिक एकीकरणमा भएको सहमति वर्तमान सभापति कोइरालाले लत्याएको उनको आरोप थियो । 'पार्टी एकीकरण हुँदा तत्कालिन सभापति गिरिजाप्रसाद कोइराला र मैले पार्टी एकता गर्ने संकल्प गरेका थियौं,' उनले भने, 'अहिले एकता भत्काउन खोजिंदैछ, तर म पार्टीलाई एकढिक्का बनाएर छाड्छु ।'कोइराला कार्यवाहक सभापति हुँदा तीनपटक म्याद थपेरमात्र महाधिवेशन गरेको स्मरण गर्दै देउवाले निर्वाचित संस्था कसैको सनकमा भंग गर्न नपाइने बताए । '१७ सालमा पञ्चायतले प्रजातन्त्र खोस्यो, पछि पञ्चायत ढल्यो, पछि ज्ञानेन्द्रले प्रजातन्त्र खोसे उनी पनि ढले,' निकै आक्रामक देउवाले भने, 'अहिले कांग्रेसको आन्तरिक प्रजातन्त्र खोस्नेको हाल पनि ज्ञानेन्द्रको जस्तै हुन्छ ।'