इस्लामिक संघका महासचिव फैजल अहमदको गोली हानी हत्या

लिम्वूवान डट व्लगस्पोट डटकम,काठमाडौं

आज दिउँसोसो इस्लामिक संघका महासचिव फैजल अहमदको गोली हानी हत्या गरिएको छ । राजधानीको त्रिचन्द्र कलेज अगाडी उनीमाथि अज्ञात समूहले गोली प्रहार गरेको हो । फैजल सडकमा हिडिरहेका बेला मोटरसाइकलमा आएर दुई जनाले गोली प्रहार गरेको प्रहरीले जनाएको छ । गोली लागी गम्भीर घाइते भएका उनलाई उपचारका लागि वीर अस्पताल पुर्‍याइएको थियो तर, अस्पतालमा पुग्ने बित्तिकै उनलाई चिकित्सकले मृत घोषणा गरेका थिए । मृतक अहमदका आफन्ता तथा सुभचिन्तकहरुले हत्याराको पहिचान तथा कडा कारवाहीको माग गरी शव सडकमा राखेर घण्टाघर अगाडी  प्रदर्शनसमेत गरेका छन् । उनी नेपाली जामे मस्जिदमा दिउँसोको प्रार्थना सकेर कार्यालयतर्फ फर्कंदै गर्दा पौने २ बजे उनलाई गोली हानिएको हो । उनको छाती र कोखमा गोली लागेको थियो ।

हत्या कसले र किन गरेको भन्नेबारे केही पनि खुल्न सकेको छैन ।