लिम्बुवान पान्थरको रबीमा संघीयता र भावी लिम्बुवान बारे प्रशिक्षण

लिम्वूवान डट व्लगस्पोट डटकम,काठमाडौं/दिलेन्द्र कुरुम्बाङ

भाद्र २६, रवी, पान्थर,संघीय मञ्चसम्बद्व संघीय लिम्बुवान राज्य परिषदले लिम्बुवानका विभिन्न जिल्ला, थुम र गाउँगाउँमा सानाठूला लिम्बुवानी प्रशिक्षण कार्यक्रमहरु सञ्चालन गरिरहेको छ | यसैक्रममा, यही भाद्र २६ गते पान्थरको रबीबजारमा ''सम्पूर्ण संघीयावादीहरू एक होऔ'' भन्ने नाराका साथ "संघीयता र भावी लिम्बुवान स्वायत्त राज्यको खाका बारे अन्तरक्रियात्मक लिम्बुवानी प्रशिक्षण कार्यक्रम" सम्पन्न भएको छ |लिम्बुवान पान्थरको रबीमा भएको उक्त प्रशिक्षण कार्यक्रममा मञ्च सम्बद्ध संघीय लिम्बुवान राज्य परिषद्का सचिवालय सदस्य दिलेन्द्र कुरुम्बाङ, लिम्बुवान पान्थरका जिल्ला अदक्ष्य लाबाहाङ चेम्जोङ, जिल्ला सदस्यहरू चन्द्रराज आङदेम्बे र खाम्बेक आङदेम्बेबाट लिम्बुवानका इतिहास, वर्तमान अवस्था, यसको भविष्य र आगामी आन्दोलनको बारेमा प्रशिक्षण दिइएको थियो | प्रशिक्षण कार्यक्रममा संघीय लिम्बुवान कानून तथा न्याय परिषदका बिष्णु न्यौपानेले पनि लिम्बुवान सम्बन्धी प्रशिक्षण दिनु भएको थियो |सोही प्रशिक्षण कार्यक्रममा मञ्चसम्बद्व संघीय लिम्बुवान राज्य परिषदका सचिवालय सदस्य दिलेन्द्र कुरुम्बाङले ''संघीयता र समावेशी लिम्बुवान राज्य निर्माणको सवाल'' बिषयक एक कार्यपत्र पनि प्रस्तुत गर्नु भएको थियो | उक्त कार्यक्रम मञ्चसम्बद्ध संघीय लिम्बुवान राज्य परिषद रबि गाउँ परिषदका अदक्ष्य हिन्द प्रसाद राईको अध्यक्षतामा सम्पन्न भएको थियो |