शेरबहादुर देउवाको राजीनामा स्वीकृत नगर्ने

लिम्वूवान डट व्लगस्पोट डटकम,काठमाडौं

नेपाली कांग्रेसले नेता शेरबहादुर देउवाको राजीनामा स्वीकृत नगर्ने भएको छ । कांग्रेस सभापति सुशील कोइराला पक्षको आज विहान बसेको बैठकले पार्टीको केन्द्रीय सदस्य पदबाट राजीनामा दिएका शेरबहादुर देउवाको राजीनामा स्वीकृत नगर्ने निर्णय गरेको हो। भ्रातृ संगठनहरु विघटनको विरोधमा १० दिनदेखि पार्टी मुख्यालयमा कार्यकर्ताहरु अनसनमा बसेपछि उत्पन्न विवाद मिलाउन पार्टी संस्थापन पक्ष उदासिन बनेको भन्दै देउवाले हिजो साँझ केन्द्रीय सदस्यबाट राजीनामा दिएको घोषणा गर्नुभएको थियो । देउवाको राजीनामासँगै अनसनमा बसेका भ्रातृ संगठनका नेताहरुले हिजै साँझ अनसन तोडेका थिए ।