देउवा पक्ष दशैँपछि आन्दोलनमा

लिम्वूवान डट व्लगस्पोट डटकम,काठमाडौं

असोज १३,नेपाली कांग्रेस भ्रातृ संस्था विघटनको विवादमा दशैँपछि देशभर आन्दोलन गर्ने निर्णय देउवा पक्षले गरेको छ। आज बूढानिलकण्ठस्थित आफ्नो निवासमा भेला भएका कार्यकर्ताहरुसँगको छलफलपछि उनले 'अब प्याकेजमा सहमति हुनुपर्ने' बताए। देउवाले यही विवादमा बुधबार केन्द्रीय सदस्य पदबाट राजीनामा दिइसकेका छन्। सभापति सुशील कोइरालाले राजीनामा स्वीकृत भने गरेका छैनन्। देउवाले सञ्चारकर्मीहरुसँग तदर्थ समितिमा विघटित भ्रातृ संस्थाका प्रमुखहरुलाई सम्मानजनक स्थान दिने वार्ताटोलीको मध्यमार्गी प्रस्ताव अस्वीकार गर्ने पार्टी सभापति सुशील कोइराला नै सहमतिको बाधक भएको बताए। यसैगरी विघटित तरुण दलका अध्यक्ष महेन्द्र यादवले आमरण अनसन दसैँका कारण मात्र स्थगित गरिएको बताउँदै त्यसपछि आन्दोलन जारी रहने बताए। 'दसैँपछि जिल्ला सभापतिहरुको भेला राखेर देशैभर अभियानको रुपमा विरोध गर्नेछौँ', यादवले सञ्चारकर्मीहरुलाई भने।