पूर्व राजालाई सुरक्षा दिन अस्वीकार,भ्रमण रद्द

लिम्वूवान डट व्लगस्पोट डटकम,काठमाडौं

असोज ५,बसन्तपुर दरबार क्षेत्रमा आयोजना हुन लागेको एक कार्यक्रममा सहभागी हुन लागेका पूर्व राजा ज्ञानेन्द्र शाहलाई सरकारले सुरक्षा उपलव्ध गराउन नसक्ने जनाएपछि उनको सहभागिता रोकिएको छ। इन्द्रजात्राका अवसरमा विश्व युवा हिन्दु परिषदले पूर्व कुमारीहरुलाई अभिनन्दन गर्ने कार्यक्रममा प्रमुख अथिति बनाइएका शाहको भ्रमण अन्तिम अवस्थामा रोकिएको हो। 'सुरक्षा संवेदनशील भएकाले उनको भ्रमणमा रोक लगाइएको हो,' गृह मन्त्रालयका प्रवक्ता जयमुकुन्द खनालले नागरिकन्युजसँग भने। राजतन्त्रको पक्षमा वकालत गर्ने संगठनले कार्यक्रम आयोजना गरेकाले यो भ्रमणमाथि सरकारले सुरक्षा उपलव्ध गराउन नसक्ने जनाएको हो।