काठमाडौं-इस्तानबुल हवाई सेवा सुरु हुने

लिम्वूवान डट व्लगस्पोट डटकम,काठमाडौं

असोज ९-नेपाल र टर्कीबीच हवाई सेवा सञ्चालन गर्ने विषयमा गणतन्त्र टर्कीको राजधानी अङ्कारामा दुवै मुलुकका प्रतिनिधिबीच वार्ता भएको छ। असोज ७ र ८ गते भएका वार्तामा समझदारी भएको विषयहरूको अधिनमा रही नेपाल र टर्कीबीच हवाई सेवा सम्झौता सम्पन्न भयो। सम्पन्न हवाई सम्झौताको कार्यान्वयन तथा दुवै मुलुकबीच हवाई उडान सेवा सञ्चालनका लागि एक सझदारीपत्रसमेत सम्पन्न भएको पर्यटन तथा नागरिक उडड्यन मन्त्रालयले जनाएको छ।सहझदारी पत्रअनुसार प्रत्येक मुलुकको तोकेको वायुसेवाबाट कुनै पनि प्रकारको विमान प्रयोग गरी क्रमशः काठमाडौँ-इस्तानबुल-काठमाडौँ र इस्तानबुल- काठमाडौँ-इस्तानबुल खण्डमा प्रतिहप्ता १४ वटा उडान भर्न पाउने प्रावधान पनि समझदारीपत्रमा समेटिएको छ।रासस