मिस नेपाल माल्भिका सुब्बा पनि टेलिशृंखलामा देखा पर्दै

लिम्वूवान डट व्लगस्पोट डटकम,काठमाडौं

भाद्र २४ - भ्वाइस अफ चिल्ड्रेनले निर्माण गरिरहेको टेलिशृंखला 'हाम्री शिवानी' को सातौं भागबाट पूर्व मिस नेपाल माल्भिका सुब्बा पनि देखा पर्दै छिन् । बाल यौन दुराचार विषयमा निर्माण भइरहेको सन्देशमूलक सिरियलको निर्देशन प्रदीप कसपालले गरिरहेका छन् । माल्भिका 'हाम्री शिवानी' मा कस्तो चरित्रमा देखिन्छिन् भन्ने कुरालाई कसपाल रहस्यमै राख्न चाहन्छन् । 'उनको भूमिका फरकखाले छ र यस्तै छ भन्ने कुरा केही दिनका लागि रहस्यमै राखौं,' उनले भने । यसअघि ९० वटा जति म्युजिक भिडियो निर्देशन गरिसकेका कसपालले 'हाम्री शिवानी' मा कुनै बेलाकी चर्चित नायिका तृप्ति नाडकरलाई पनि मुख्य भूमिकामा देखाउँदै छन् । २६ शृंखलाको उक्त सिरियलमा शिशिर सुवेदी, अस्मिता भण्डारी, प्रेक्षा अधिकारी, इशान राउत, सुव्रत आचार्यले पनि अभिनय गरिरहेका छन् ।