स्थानीय विकास मन्त्रालयमा बम राखिएको फोन

लिम्वूवान डट व्लगस्पोट डटकम,काठमाडौं

आश्विन ७ - ललितपुरको पुल्चोकस्थित स्थानीय विकास मन्त्रालय परिसरमा बम राखिएको आशंकमा प्रहरीले मन्त्रालयमा अनुसन्धान सुरु गरेको छ । प्रहरीले मन्त्रालयलाई सिल गरेको छ । कार्यालय समयमा मन्त्रालय पुगेका कर्मचारी र सेवाग्रहीलाई कार्यालय प्रवेशमा रोक लगाईको छ । बम राखिएको हल्लाले कर्मचारी आतंकित भएका छन् ।
तराई भाइरस नाम गरेको संगठन भएको दावी गर्दै एक व्यक्तिले काठमाडौंका प्रमुख जिल्ला अधिकारीलाई फोन गरेर स्थानीय विकास मन्त्रालयको विभिन्न स्थानमा बम राखेको दावी गरेपछि प्रहरीले सक्रियता बढाएको हो ।
ललितपुरका प्रहरी उपरीक्षक बिक्रमसिंह थापाले फोनका आधारमा अनुसन्धान बढाइएको बताए । उनले भने झुठा कुरा भएपनि कुनै चुक हुन नदिन गम्भीरताका साथ अनुसन्धान थालिएको बताए । सशस्त्र र जनपथका दक्ष जनशक्ति र तालिम प्राप्त कुकुर पनि अनुसन्धानमा प्रयोग गरिएको छ ।