पाँचथरमा प्रेमीको गोलीबाट युवतीको हत्या

लिम्वूवान डट व्लगस्पोट डटकम,काठमाडौं

पाँचथर, असोज १०- पाँचथरको सदरमुकाम फिदिम बजारमा गोली हानी आज बिहान पौने ९ बजे एक युवतीको हत्या भएको छ। पाँचथरको सिवा–७ की १७ वर्षीया सुस्मा तुम्रोकको फिदिमस्थित तुम्रोक होटलमा आफ्नै प्रेमीले हत्या गरेर फरार भएको प्रत्यक्षदर्शीले बताएका छन्। ताप्लेजुङको चाँगे निवासी उक्त युवकसँग तिनको पहिलेदेखि नै प्रेम सम्बन्ध रहेको बताइएको छ।युवतीको हत्यालगत्तै युवक त्यही होटलबाट भागेको प्रत्यक्षदर्शीले बताएका छन्। अहिले हत्याको आरोपी युवकको खोजी भइरहेको पाँचथर प्रहरीले जनाएको छ। शव पोस्टमार्टमका लागि जिल्ला अस्पताल पाँचथरमा राखिएको छ।