संविधान निर्माण प्रक्रिया सुचारु गर्न सभासदहरुकै दबाव

लिम्वूवान डट व्लगस्पोट डटकम,काठमाडौं

संविधान निर्माणका लागि तय गरिएको कार्यतालिका बमोजिम प्रक्रिया अघि नबढेपछि सभासद्हरुले संविधान बनाउने विषयमा प्रमुख दलहरुलाई दबाव दिने भएका छन् ।नयाँ कार्यतालिका पनि परिवर्तन हुने अवस्था आएको भन्दै विभिन्न दल संवद्ध सभासहरुले भोलिदेखिनै दवावमुलक कार्यक्रम सुरु गर्ने भएका हुन् ।दबावका लागि भोलि उनीहरुले सभामुख सुवासचन्द्र नेम्वाङलाई भेटेर ध्यानाकर्षण गराउने काँग्रेस सभासद गगन थापाले जानकारी दिनुभयो ।नयाँ कार्यतालिका अनुसार विभिन्न आठ वटा विषयगत समितिले तयार पारेको मस्यौदा यही असोजभित्र संवैधानिक समितिमा पठाउनुपर्ने उल्लेख छ भने कात्तिक महिनाभित्रमा संविधानको प्रारम्भिक मस्यौदा बनाइसक्नुपर्ने उल्लेख गरिएको छ ।