अनुशासन पालना नगर्ने ४४ जना प्रहरीलाई कारबाही

लिम्वूवान डट व्लगस्पोट डटकम,काठमाडौं

हेटौडा,मध्यक्षेत्र प्रहरी कार्यालय हेटौँडाले अनुशासन पालना नगर्ने ४४ जना प्रहरीलाई कारबाही गरेको छ ।अनुशासन पालन नगर्ने मातहतका प्रहरीलाई भदौ महिनामा उक्त कारबाही गरिएको मध्यक्षेत्र प्रहरी कार्यालय हेटौँडाका नायब प्रहरी उपरीक्षक बालकृष्ण थापाले बताउनुभयो ।कारबाहीमा पर्नेहरुमा प्रहरी जवान ३० जना, प्रहरी हवल्दार नौजना, प्रहरी सहायक निरीक्षक दुईजना र प्रहरी नायब निरीक्षक तीनजना रहेका छन् ।अठार जवानसहित २८ जनालाई नसिहत, एक जवानसहित दुइजनालाई तल्लो स्केलमा घटुवा, एक प्रनानि र नौ जवानलाई नोकरीबाट हटाइएको र एक जवानको पदोन्नति रोक्का गरिएको बताइएको छ ।यस्तै एक जवान र एक हवल्दारलाई निलम्बन गरिएको मध्यक्षेत्र प्रहरी कार्यालय हेटौँडाले जनाएको छ ।मध्यक्षेत्र प्रहरी कार्यालय हेटौँडाको मातहतमा राजधानी उपत्यकाका तीन जिल्लाबाहेक मध्यमाञ्चल क्षेत्रका अन्य १६ जिल्ला पर्दछन् ।