चिलीमा विमान दुर्घटनामा २१ जनाको मृत्यु

लिम्वूवान डट व्लगस्पोट डटकम,काठमाडौं

चिलीमा प्रशान्त महासागरमा हिजो भएको वायु सेनाको विमान दुर्घटनामा २१ जना सबैको मृत्यु भएको छ । चिलीका रक्षा मन्त्री आन्द्रेस अलामादका अनुसार दुर्घटनाग्रस्त स्थलबाट ४ जनाको शव मात्र निकाल्न सकिएको छ । कासा २१२ विमान दुर्गम जुवा फर्नाण्डेज टापुमा दुर्घटनाग्रस्त भएको थियो । विमानमा चिलीको राष्ट्रिय टेलिभिजनका प्रसिद्ध प्रस्तोता फेलप कामिरोगा पनि थिए । मौसम खराब रहेका बेला विमानस्थलमा दुई पटक अवतरणको असफल प्रयासपछि विमान हराएको सुचना आएको थियो । चिलीका राष्ट्रपति सेवास्तियन पिरेराले घटना प्रति दुख व्यक्त गर्दै यसबाट मुलुकलाई ठूलो क्षति पुगेको प्रतिक्रिया दिनु भएको छ ।